Токтогул шаарынын мэри Болот Максутбаев Бишкек шаарына болгон иш сапарынын алкагында борбор калаабызда жайгашкан Келечек балдар реабилитациялык борборуна барды.

Иш сапарынын жүрүшүндө саламаттык сактоонун отличниги, Келечек балдар реабилитация борборунун башчысы Туманбаева Чынаркүл Айдарбековна менен жолугушуп, реабилитациялык борбордун иш алып баруусу менен жеринен таанышты. Иш процессин уюуштурууда керектүү кадамдар, жумуштун алкагында аныкталган көйгөйлөр жана ал көйгөйлөрдү чечүү жолдору жөнүндө реабилитациялык борбордун башчысы тарабынан керектүү маалыматтар алынып, тиешелүү кеңештар берилди.

Эске салсак Токтогул шаарынын социалдык экономикалык өнүктүрүү програмасынын 3 жылдык планына шаар аймагына реабилитациялык борборду куруу киргизилген. Реабилитациялык борборду куруу ишин ишке ашырууга Кыргыз Республикасынын Жогорку Кеңешинин депутаты Сулайманов Кундузбек Кошалиевич, Токтогул райондук мамлекетттик администрация башчысы аким Тюкебаев Акылбек Алиякунович тарабынан колдоолор көрсөтүлүп, каржы маселелерин чечип, башка процедуралык иштерин алдыга жылдырууга ар тараптуу көмөк көрсөтүлүүдө.